Ужо сёньня: 35 гадоў таму беларуская мова стала адзінай дзяржаўнай

Дата дня

1990 — уступіў у сілу Закон аб мовах у Рэспубліцы Беларусь.

Вярхоўны Савет БССР 11-га скліканьня прыняў Закон аб мовах, які павінен быў спыніць татальную русыфікацыю Беларусі, 26 студзеня 1990 году. 332 дэпутаты падтрымалі закон, 27 прагаласавалі супраць і 9 устрымаліся.

На беларускую мову цягам 10 гадоў мела перайсьці камунікацыя ў дзяржаўных структурах, канцылярыі, судах. Больш хутка беларуская мела стаць мовай сярэдняй адукацыі, мэдыя і рэклямы. На беларускую мову пераводзіліся дзіцячыя садкі. У дакумэнце замацоўвалася беларуская мова выкладаньня ва ўнівэрсытэтах і каледжах.

Расейская мова заставалася мовай міжнацыянальных зносінаў.

Гэты дзень у гісторыі

1435 — у бітве пад Вількамірам літоўска-польскія войскі перамаглі армію Сьвідрыгайлы і нанятых ім крыжакоў.

1827 — у Расейскай імпэрыі забаронена прымаць сялянаў у вышэйшыя і сярэднія навучальныя ўстановы.

1870 — француска-пруская вайна: францускія войскі разьбітыя пад Сэданам, імпэратар Напалеон III узяты ў палон.

Напалеон ІІІ і Ота фон Бісмарк пасьля паразы францускай арміі ў бітве пад Сэданам, карціна Вілема Кампгаўзэна

1906 — у Вільні выйшла пеpшая легальная белаpyская газэта «Hаша доля», дзе вершам «Наш родны край» пазначыў свой літаратурны дэбют Якуб Колас.

Першы нумар газэты "Наша доля"

1939 — нападам нацысцкай Нямеччыны на Польшчу пачалася Другая сусьветная вайна.

1961 — у Бялградзе пачалася першая канфэрэнцыя Руху недалучэньня.

1969 — у Лібіі Муамар Кадафі зрынуў караля Ідрыза I.

Муамар Кадафі, 1975 год

1983 — савецкія вайскоўцы зьбілі паўднёвакарэйскі «Боінг», які перасек паветраную прастору СССР. Загінулі ўсе 269 пасажыраў.

1985 — знойдзены карабель «Тытанік», які патануў у 1912 годзе.

1995 — Берасьцейскі пэдагагічны інстытут ператвораны ва ўнівэрсытэт.

2004 — захоп закладнікаў у Бэслане (Расея).

2009 — спыніла трансьляцыі Беларуская служба «Радыё Швэцыя».

У гэты дзень нарадзіліся

1835 — Юзаф Каліноўскі, адзін з кіраўнікоў паўстаньня 1863–1864 гадоў на тэрыторыі Літвы і Беларусі.

1853 — Міхал Фэдэроўскі, фальклярыст, этнограф, археоляг, калекцыянэр.

1900 — Сымон Баранавых, беларускі празаік.

1913 — Масей Сяднёў, беларускі празаік і паэт.

Масей Сяднёў

1928 — Расьціслаў Лапіцкі, адзін з кіраўнікоў паваеннага антысавецкага Супраціву 1940-х, ахвяра сталінскіх рэпрэсіяў.

1934 — Уладзіслаў Даркевіч, беларускі археоляг, гісторык.

1942 — Іван Басюк, беларускі гісторык.

У памяці

2000 — Яўген Шмыгалёў, інжынэр, адзін з аўтараў артыкула «Курапаты — дарога сьмерці».