Арыштавалі пэнсіянэрку зь Бярозы, якая хацела паскардзіцца Лукашэнку
Як паведаміў праваабарончы цэнтар «Вясна», падчас прыезду Аляксандра Лукашэнкі 13 чэрвеня ў Бярозаўскі раён Берасьцейскай вобласьці мясцовыя жыхары атрымалі загад не выходзіць з сваіх дамоў.
Але адна пэнсіянэрка зь Бярозы хацела ўжывую паскардзіцца Лукашэнку на малыя пэнсіі. Аднак сустрэцца з Лукашэнкам ёй не ўдалося, жанчыну пасьля выхаду з дому затрымалі і змясьцілі ў ІЧУ Бярозаўскага раёну на 10 дзён.
ГЛЯДЗІЦЕ ТАКСАМА: Хроніка перасьледу 29 жніўня. Асуджанага на 13 гадоў сьвятара этапавалі ў БабруйскУ Беларусі зьбіраюцца завочна судзіць экс-каліноўца Максіма Шабуцкага
Следчы камітэт паведаміў, што супраць былога добраахвотніка палка Каліноўскага, блогера і былога сябра Каардынацыйнай рады Максіма Шабуцкага пачалі спэцыяльнае вядзеньне. Гэта значыць, яго зьбіраюцца судзіць завочна.
Яму выставілі абвінавачаньні па 18 артыкулах Крымінальнага кодэксу: ад «масавых беспарадкаў» і «паклёпу» да «стварэньня экстрэмісцкага фармаваньня» і «змовы дзеля захопу ўлады», перадае «Позірк».
Шабуцкі далучыўся да палка Каліноўскага пры канцы 2022 году, пакінуў яго ў 2023-м.
У 2024-м яго абралі ў Каардынацыйную раду, але ў студзені 2025-га ён пакінуў яе «з асабістых прычынаў».
Да 2020 году Шабуцкі працаваў у структурах Міністэрства ўнутраных спраў.
Спэцыяльнае вядзеньне у Беларусі прымянялі ўжо ў дачыненьні да больш як 150 чалавек, якія знаходзяцца за мяжой.
ГЛЯДЗІЦЕ ТАКСАМА: Канстытуцыйны суд адмаўляецца разглядаць скаргі асуджаных завочна. Вось якая прычына