За апошні год заработная плата школьных пэдагогаў вырасла амаль на чвэрць – на 23,3%. У ліпені яна склала 2526,4 рубля, наблізіўшыся да сярэдняга заробку па рэспубліцы.
У аглядзе таксама гаворыцца, што на аднаго настаўніка, як і раней, у краіне прыпадае 11 вучняў. У гарадзкіх школах нагрузка на выкладчыкаў крыху большая: 12 дзяцей на аднаго пэдагога. А ў вясковых установах агульнай сярэдняй адукацыі гэты паказчык у два разы меншы – 6 вучняў.
Паводле статыстыкі, найбольш настаўнікаў выкладаюць замежную мову – 18,8% сярод усіх выкладчыкаў-прадметнікаў. На другім месцы – матэматыка (10,7%). У топ-5 таксама праходзяць беларуская мова і літаратура (9,9%), расейская мова і літаратура (9,9%), а таксама фізкультура (9,8%).
Як і раней, у школах і гімназіях працуюць у асноўным настаўнікі-жанчыны – 83,2% ад агульнага выкладчыцкага складу.
Форум