Прэзыдэнт Літвы Гітанас Наўседа кажа, што Шанхайская арганізацыя супрацоўніцтва (ШАС) і яе дапаможныя структуры скарыстаюцца любой магчымасьцю, каб працягнуць вайну ва Ўкраіне.
«Краіны па той бок дэмакратыі скарыстаюцца любой магчымасьцю для працягу гэтай вайны і паспрабуюць пазьбегнуць мірных перамоваў», — цытуе сайт Літоўскай грамадзкай тэлевізіі словы Наўседа з размове з журналістамі ў Фінляндыі ў аўторак.
Паводле літоўскага прэзыдэнта, падтрымка на адрас Расеі на цяперашнім саміце ШАС у Кітаі сьведчыць аб тым, што перамовы пра мір стануць яшчэ больш складанымі.
«Міру можна дасягнуць толькі сілай, з дапамогай вельмі жорсткіх мер, якія павінна прыняць міжнародная супольнасьць, і перш за ўсё ЗША, Эўропа і іншыя краіны-аднадумцы», — заявіў Наўседа.
«Мы павінны пастарацца зрабіць усё магчымае для дасягненьня міру, але не любой цаной», — дадаў ён.
ГЛЯДЗІЦЕ ТАКСАМА: Хто будзе на парадзе ў Пэкіне і чаго Кітай хоча ад замежных гасьцей, сярод якіх Лукашэнка ГЛЯДЗІЦЕ ТАКСАМА: Чаму разьвіцьцё адносін з Кітаем — нацыянальны інтарэс Беларусі? Адказвае былы дыплямат Павал Мацукевіч