Зь ягоных словаў, піша LSM, прадпрыемства працавала каля году. Там выпускалі падробленыя цыгарэты такіх вядомых тытунёвых брэндаў, як Marlboro, Camel, Winston, Prince.
З словаў пракурора Ковенскай акруговай пракуратуры Андруса Кюршынаса, дасудовае расьсьледаваньне вядуць у чатырох артыкулах КК: арганізацыя і ўдзел у злачынным аб’яднаньні; незаконнае захоўваньне акцызных тавараў у асабліва буйным памеры; выкарыстаньне чужога таварнага знаку; выкраданьне дакумэнту.
«Усім падазраваным выбрана мера стрыманьня — зьмяшчэньне пад варту на тры месяцы», — сказаў пракурор.
Паводле праваахоўнікаў, затрыманыя за адну зьмену маглі вырабляць да 200 корабаў цыгарэт.
«Падчас ператрусаў і затрыманьняў сканфіскаваныя 32 палеты гатовай прадукцыі — каля 459 тыс. пачкаў цыгарэт», — гаворыцца ў публікацыі.
Усяго на фабрыцы выраблена каля 6,5 млн пачкаў цыгарэт, іх кошт сягае 30 млн эўра.
Паводле папярэдніх падлікаў, шкода літоўскай дзяржаве з прычыны нявыплаты акцызаў і ПДВ можа складаць 16 млн эўра.
Колькі менавіта грамадзян Беларусі было затрымана, не ўдакладняецца. Аднак праваахоўнікі адзначылі, што ўсе яны на радзіме працуюць на профільным прадпрыемстве.
20 жніўня паведамлялі, што ў аэрапорце Вільні 4 і 7 жніўня былі затрыманыя дзьве партыі кантрабандных цыгарэт, якія прыбылі ў літоўскую сталіцу з Аб’яднаных Арабскіх Эміратаў і Турэччыны.
1 сакавіка недалёка ад Коўна ў грузавым аўтамабілі знойдзена больш за 500 тыс. пачкаў нелегальных цыгарэт (коштам 2,3 млн эўра). Цыгарэты былі замаскаваныя пад груз папяровых ручнікоў, нібыта прызначаны для перавязеньня ў Заходнюю Эўропу.
Мытная служба Літвы раней паведамляла, што ў першым паўгодзьдзі 41% увезеных кантрабандных цыгарэт перахопленыя на мяжы зь Беларусьсю, а за аналягічны пэрыяд 2024-га гэты паказьнік складаў 49%.
Улады краіны зрабілі справаздачу, што за першую палову 2025 года ў Літве затрымана і канфіскавана больш за 805 тыс. пачкаў кантрабандных цыгарэт, дастаўленых зь Беларусі паветраным шляхам.
У 2024 годзе і першай палове 2025-га распачата 20 дасудовых расьсьледаваньняў па фактах перавозу кантрабанды мэтэазондамі і дронамі.
«Агулам 34 асобам выстаўлены абвінавачаньні ў рамках дасудовага расьсьледаваньня такога кшталту. Яшчэ адным значным вынікам гэтага году сталі дзесяць крымінальных справаў, якія цяпер разглядаюцца або ўжо разгледжаныя ў судах», — адзначаў партал навінаў Delfi з спасылкай на літоўскую пракуратуру.
Форум