Пра гэта паведаміў на брыфінгу кіраўнік службы Віктар Яленскі: яго заявы трансьляваліся на старонцы ведамства ў фэйсбуку.
Па словах Яленскага, УПЦ таксама падала ў суд адразу некалькі пазоваў у адказ.
РПЦ узначальвае паплечнік Пуціна патрыярх Кірыл. Царква падтрымала вайну ва Ўкраіне, якую разьвязаў Крэмль. У жніўні 2024 году прэзыдэнт Украіны Уладзімір Зяленскі падпісаў закон аб забароне рэлігійных арганізацый, якія маюць сувязі з Расеяй. Пад яго патрапіла і УПЦ (МП), якая ня мае ва Ўкраіне адзінай юрыдычнай асобы, а складаецца з асобных япархій і прыходаў. Па кожнай зь іх для забароны дзейнасьці павінен быць асобны зварот у суд.
Кіеўская мітраполія — найбуйнейшая і найбагацейшая зь мітраполій УПЦ (МП). Да нядаўняга часу яна кантралявала Кіева-Пячэрскую Ляўру ў Кіеве. Спроба ўкраінскіх уладаў выселіць з гэтага манастыра манахаў УПЦ (МП) скончылася вялікім скандалам і абвінавачваньнямі з боку Масквы на адрас Кіева ў перасьледзе праваслаўя ва Ўкраіне.
Масква ўжо рэзка адрэагавала на цяперашні пазоў. Пасол па асобых даручэньнях МЗС Расеі Радзіён Мірошнік заявіў ТАСС: «Улады Ўкраіны выдумалі псэўдаправавы мэханізм, каб зьнішчыць найбуйнейшую ў краіне канфэсію — кананічную Украінскую праваслаўную царкву (УПЦ), а ў далейшым маюць намер разрабаваць яе маёмасьць і растаптаць рэлігійныя пачуцьці мільёнаў вернікаў».
Форум